Caalamka Wararka

NASA oo dayax gacmeed Hawada sare u dirtay

Dayaxgacmeedka oo la yiraahdo Parker Solar Probe oo laga tuuray Cape Canaveral, Florida, waxaa tuuray 3 gantaal oo xoog leh oo ah nooca Delta-IV, ka dib markii shalay dib loo dhigay.

Hay’adda Maraykanka u qaabilsan hawada sare ee NASA ayaa sheegtay inuu qorraxda u jirsan doono masaafo aan waligeed horay loo gaarin.

Tallaabadaan ayaa loo qaaday in baaritaan lagu soo sameeyo sababaha keena qaraxyo inay sameyso qorraxda, sida ay sheegeen saynisyahanno.

Dayax gacmeedkan qorraxda u dhawaanaya ayaa noqon doona sheygii ugu xawaaraha dheeraa ee ay abid bani’aadanku sameeyaan.

Macluumaadka uu soo uruuriyo ayaa la filayaa in lagu ogaado dabeecadaha qorraxda ee muddada dheer la garan la’aa.

Muxuu sameyn doonaa dayax gacmeedka?

Waxa uu dayax gacmeedkaan xawaaraha dheer si toos ah u abbaari doonaa jihada qorraxda, isagoo si qeyrul caadi ahna ugu dhawaan doona.

Dayax gacmeedka ayaa ku sii dul wareegi doona meeraha Venus muddo lix isbuuc ah, waxaana uu safar markii ugu horreysay ah qorraxda ugu sii socon doonaa lix isbuuc oo kale.

Ka dib waxa uu gudaha u sii geli doonaa xeyn daabka qorraxda masaafo dhan ilaa 6.16 malyan km (3.83 million mayl).

AwKutub News

Advertisements