Soomaalida Wararka

Maamulkii hore ee DDS oo lagu eedeeyay xabaal wadareed laga helay Itoobiya

Dowladda Itoobiya ayaa sheegtay in xabaalihii la helay ay ka koobanyihiin 200 oo qof oo la dilay lixdii sano ee la soo dhaafay kadib markii ay ku banaan baxeen mamulkii hore ee dowlad deegaanka Soomaalida.

Warkan ayaa noqonaya wararkii ugu danbeeyay ee ka soo baxay xabaalahan laga helay gobolka saliidda hodanka ku ah ee dowladda deegaanka Soomaalida kaasoo uu hadda Madaxweyne ka yahay Mustafa Cumar oo ballan qaaday in uu wax ka badali doono xadgudubyo uu maafiyanima uu ku tilmaamay ee horay uga dhacay gobolka.

Booliska ayaa dalbaday in la siiyo muddo 14 maalmood ah si ay usii wadaan baaritaanada socda iyada oo illaa shan qof oo uu ku jiro madaxweynihii hore ee gobolka Cabdi Maxamuud lagu eedeeyay in ay ka dambeeyeen xadgudubkaas. Cabdi Maxmuud ayaa iminka waxaa ku socota dacwad ku saabsan xadgudubyo ka dhan ah xaquuqda aadanaha ah.

Ciidamada booliska Itoobiya ayaa sheegay in ay la soo ogaaday xabaal wadareed ay ku aasan yihiin meydad ka badan 200 qof meel ku taalla xuduudda gobolka Soomaalida iyo Oromoda.

Booliska ayaa sidoo kale sheegay in ay fulinayaan amar Maxkamadeed oo ku aadan in baaritaanno lagu sameeyay dilal ay geysteen ciidamada daacad u ahaa madaxweynihii hore ee gobolka Soomaalida Itoobiya kuwaas oo iminka u xiran amar Maxkamadeed.

Bishii Agoosto ee sanadkan ayaa saraakiil Itoobiyaan ah waxa ay sheegeen in weerar ay fuliyeen ciidamada Liyu Bookis lagu dilay 41 qof laguna dhaawacay 20 kale.

Hay’adda xuquuqda aadanaha u doodda ayaa ku baaqay in baaritaanno lagu sameeyo xadgudubyada ka dhanka ah banii aadanimada oo ay geysteen ciidamada Liyu boolis.

AwKutub News

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s