Caalamka Wararka

Maraykanka : Trump oo doonaya inuu wada-hadal la galo Taliban

Madaxweynaha Mareykanka Donald Trump ayaa warqad uu u diray ra’iisul wasaaraha Pakistan Imran Khan waxa uu kaga codsaday in Islamabad ay kala shaqeyso sidii kooxda Taliban loo keeni lahaa miiska wada-xaajoodka.

Khan ayaa maanta weriyayaasha u sheegay in warqadda uu helay saaka oo isniin ah, wuxuuna ballan-qaaday in Pakistan ay sameyn doonto “dhammaan dadaallada suurta-galka ah” si ay gacan uga gaysato hannaanka nabadda Afghanistan.

Afhayeenka wasaaradda arrimaha dibedda Pakistan, Mohammad Faisal ayaa kadib soo saaray qoraal uu ku faahfaahinayo arirntan.

“Madaxweyne Trump waxa uu warqadda uu usoo diray Imran Khan ku sheegay in waxa ugu muhiimsan ahmiyaddiisa gobolka ay tahay sidii loogu guuleysan lahaa heshiis ku salaysan wada-xaajood oo laga gaaro dagaalka Afghanistan. Sidaas darteed, waxa uu weydiistay taageerada iyo fududeynta Pakistan”.

Faisal ayaa sidoo kale sheegay in Trump uu warqaddiisa ku qiray in dagaalka Afghanistan uu khasaare gaarsiiyey Mareykanka iyo Pakistan labadaba.

AwKutub News

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s